உள்ளூர் பால் உற்பத்தியாளரான மில்கோ பிரைவேட் லிமிடெட், இலங்கை முழுவதும் 500 பால் விற்பனை நிலையங்களை நிறுவ திட்டமிட்டுள்ளதாக அறிவித்துள்ளது.
500 உள்ளூர் பால் தொழில்முனைவோருடன் இணைந்து விற்பனை நிலையங்கள் நிறுவப்படும் என நிறுவனம் வெளியிட்டுள்ள அறிவிப்பில் தெரிவிக்கப்பட்டுள்ளது.
உள்நாட்டு பால் உற்பத்தியை அதிகரிப்பதன் மூலமும், புதிய பால் பொருட்களுக்கான அணுகலை மேம்படுத்துவதன் மூலமும் உள்ளூர் பால் துறையை வலுப்படுத்துவதே இந்த முயற்சியின் நோக்கமாகும் என்று மில்கோ தலைவர் ஜி.வி.எச். கோத்தபயா குறிப்பிட்டுள்ளார்.
பிராந்திய மேம்பாட்டு வங்கியின் உதவியுடன் தொடங்கப்பட்ட இந்தத் திட்டத்தில், பங்கேற்கும் தொழில்முனைவோருக்கு நிதி மற்றும் தளவாட ஆதரவை வங்கி வழங்கும் என்றும் அவர் கூறினார்.
