நுகர்வோர் விவகார அதிகார சபையின் தீவிர நடவடிக்கையால் அரிசி விலை குறைந்து வருவதாக தகவல் வெளியாகியுள்ளது.
நாடு முழுவதும் தொடர்ந்து நடத்தப்படும் சுற்றிவளைப்புகள் மற்றும் இறக்குமதி செய்யப்பட்ட அரிசி சந்தைக்கு வருவது ஆகியவை இதற்கு முக்கிய காரணங்களாக கூறப்படுகிறது.
நேற்று மட்டும் சுமார் 75 இடங்களில் சுற்றிவளைப்பு நடத்தப்பட்டதாக அதிகாரிகள் தெரிவித்துள்ளனர். வார இறுதி நாட்களிலும் விடுமுறை நாட்களிலும் இதுபோன்ற சுற்றிவளைப்புகள் தொடரும் என எதிர்பார்க்கப்படுகிறது.
சில பகுதிகளில் நெல் விலையும் குறைந்துள்ளதாக தகவல்கள் கிடைத்துள்ளன.
மேலும், அரச வர்த்தக கூட்டுத்தாபனம் 5,200 மெற்றிக் டன் நாட்டரிசியை இறக்குமதி செய்ய உள்ளது. இந்த அரிசி இம்மாதம் 19ஆம் தேதி இலங்கை வரவுள்ளது.
தொடர்ச்சியான இந்த நடவடிக்கைகள் மூலம் அரிசி விலை மேலும் குறைய வாய்ப்புள்ளதாக நுகர்வோர் நம்பிக்கை தெரிவித்துள்ளனர்.
#அரிசிவிலை #சுற்றிவளைப்பு #இறக்குமதி #நுகர்வோர்விவகாரஅதிகாரசபை
0 Comments