கொழும்பு: நாட்டின் பொருளாதாரத்தை சீரமைக்கும் நடவடிக்கையாக, சர்வதேச நாணய நிதியத்துடன் இணைந்து பல்வேறு முக்கிய முடிவுகள் எடுக்கப்பட்டுள்ளதாக ஜனாதிபதி அனுரகுமார திசாநாயக்க தெரிவித்துள்ளார்.
நாடாளுமன்றத்தில் இன்று நடைபெற்ற உரையில் இது குறித்து பேசிய ஜனாதிபதி, குறிப்பாக சிறுவர்களின் ஊட்டச்சத்து குறைபாட்டை கருத்தில் கொண்டு, பால்மா மற்றும் யோகட்டுக்கு விதிக்கப்பட்டிருந்த வரியை ரத்து செய்வதற்கு ஒப்புதல் அளித்துள்ளதாகக் கூறினார்.
மேலும், வருமான வரியில் குறிப்பிடத்தக்க மாற்றங்கள் செய்யப்பட உள்ளதாகவும் அவர் தெரிவித்தார். இதன்படி, குறைந்த வருமானம் ஈட்டும் மக்களுக்கு அதிக வரி சலுகையும், அதிக வருமானம் ஈட்டும் மக்களுக்கு குறைந்த வரி சலுகையும் வழங்கப்பட உள்ளது.
இதர முக்கிய முடிவுகளாக, சேவை ஏற்றுமதி வரி 30% இலிருந்து 15% ஆகக் குறைக்கப்படுவதும், கட்டுப்படுத்தப்பட்ட வரி 5% இலிருந்து 10% ஆக உயர்த்தப்படுவதும் அடங்கும்.
இந்த நடவடிக்கைகள் நாட்டின் பொருளாதாரத்தை சீரமைத்து, மக்களின் வாழ்க்கைத் தரத்தை மேம்படுத்தும் என அரசு நம்பிக்கை தெரிவித்துள்ளது.
0 Comments