ஒரு முழு குடும்பத்தின் உயிரே காப்பாற்றிய வளர்ப்பு நாய்!

களுத்துறை, தொடங்கொட பிரதேச செயலர் பிரிவிற்குட்பட்ட கமகொட பகுதியில் நேற்று அதிகாலை நிகழ்ந்த ஒரு அதிசய சம்பவம் அனைவரையும் வியப்பில் ஆழ்த்தியுள்ளது. 

சீரற்ற காலநிலை காரணமாக பெய்த கனமழையின் போது, ஒரு புளிய மரத்தின் கிளை வீட்டின் மீது விழுந்து வீடு இடிந்துள்ளது. 

ஆனால், வீட்டில் இருந்த குடும்பத்தினர் அதிர்ஷ்டவசமாக உயிர் தப்பியுள்ளனர். 

இதற்கு காரணம் வேறு யாருமல்ல, அவர்களின் வளர்ப்பு நாய் தான்!

அதிகாலை 2 மணி அளவில், வீட்டில் இருந்த வளர்ப்பு நாய் உரிமையாளரின் படுக்கையறைக்கு வந்து, நுளம்பு வலையைக் கடித்து கிழித்துவிட்டு, உரிமையாளரின் ஆடையை இழுத்துள்ளது. 

இதனால் விழித்துக் கொண்ட உரிமையாளர், நாய் அவர்களை இழுத்து வேறு அறைக்குச் சென்றதால், மற்ற குடும்பத்தினரையும் வெளியே அழைத்துச் சென்றுள்ளார். அவர்கள் வெளியே வந்த சில நிமிடங்களில், மரக்கிளை வீட்டின் மீது விழுந்து, வீடு முழுவதும் இடிந்துள்ளது.

வீட்டின் உரிமையாளர் கூறுகையில், "நாயின் இந்த செயல் இல்லையென்றால், நாங்கள் அனைவரும் உயிரிழந்திருப்போம். நாய் எங்களுக்கு புதிய உயிர் கொடுத்தது போல" என்று உணர்ச்சிவசமாக தெரிவித்தார்.

இந்த சம்பவம், விலங்குகளின் நேசம் மற்றும் விசுவாசத்தை எடுத்துக்காட்டுவதாக உள்ளது. வீட்டில் இருந்த வளர்ப்பு நாய், தனது குடும்பத்தை காப்பாற்றிய இந்த வீரச் செயல், அனைவரின் பாராட்டை பெற்றுள்ளது.

இந்த செய்தியை பகிர்ந்து, விலங்குகளின் நேசத்தை பரப்புங்கள்.

#விலங்குநேசம் #வீரநாய் #இலங்கை