நடிகரும் முன்னாள் பாராளுமன்ற உறுப்பினருமான ரஞ்சன் ராமநாயக்கவின் புதிய அரசியல் கட்சியில் இணைந்து இலங்கையின் முன்னாள் கிரிக்கெட் வீரர் திலக்ரத்ன டில்ஷான் எதிர்வரும் பாராளுமன்ற தேர்தலில் போட்டியிடவுள்ளார். கட்சியின் தேசிய அமைப்பாளராக தில்ஷான் நியமிக்கப்பட்டுள்ளார்.
மைக் சின்னத்தில் போட்டியிடும் கட்சியில் முன்னாள் எம்பி வடிவேல் சுரேஷும் இணைந்துள்ளார். இன்று கொழும்பில் நடைபெறும் செய்தியாளர் சந்திப்பில் ஐக்கிய ஜனநாயகக் குரல் என பெயரிடப்பட்டுள்ள கட்சியை ராமநாயக்க உத்தியோகபூர்வமாக ஆரம்பித்து வைக்கவுள்ளார், அங்கு கட்சியின் விஞ்ஞாபனமும் வெளியிடப்படும்.
0 Comments